TANDANG………. !!! NYANDANG KAHAYANG

Cadel Nataku………..

Aya hiji jajaka, dedegna gagah kalayan rupana oge kasep. Teu aneh mun eta jajaka boga kabogoh nu kawilang geulis pisan. Mun jaman ayeuna mah model Aura Kosasih meureun atawa Luna Mayan. Karesep eta jajaka teh nyaeta sangu goreng spesial make endog. Marok pisan jeung kabogohna, estuning sarua kabeukina teh.

Ngan aya hanjakalna saeutik. Eta pamuda teh ngomongna cadel. Lain wungkul teu bisa nyebut “r” tapi oge teu bisa ngalafalkeun “l”. Jadi mun nyebut oray teh oyay, mun nyebut kalong teh kayong cenah. Jadi unggal manehna pesen sangu goreng teh jadi kieu pokna teh.

“Mang, pesen nasi goyeng pake teyoy,” cenah make bahasa Indonesia.

Teu jarang mun manehna keur pesen teh nu sejen ting rareret, boh ka manehna boh ka kabogohna. Keretegna teh meureun awak we siga Van Damme ari ngomong balelol teu bentes. Deudeuh teuing geulis-geulis kabogohna cadel.

Ku sabab eta kabogohna sok kaeraan. Geus dua taun nandangan kaera eta salila bobogohan jeung eta jajaka. Ayeuna mah geus ampir teu kuat deui.

“Pokonya Eneng ga mau tau. Aa harus bisa pesen nasi goreng yang bener, jangan cadel,” pokna teh bari jamedud.
“Ya abis gimana atu neng kan Aa mah dari sononya juga udah cadey,” si jajaka mertahankeun maneh.
“Ga mau tau,” si mojang teu eleh geleng,” sekarang harus latihan mesen nasi goreng yang bener. Kalo udah bisa baru kita ketemuan lagi.”

Tutas ngomong kitu teh jol keleyeng we si mojang teh ngaleos. Dasar awewe, gerentes si jajaka. Tungtungna kapaksa si jajaka latihan ngucapkeun kalimah pikeun pesen sangu goreng.

Kacaritakeun tilu minggu ti harita, eta jajaka nilpun kabogohna make hp merek Si Emen nu intina ngabejaan yen manehna geus bisa pesen sangu goreng kalayan bener, henteu cadel. Waktu amprok jeung kabogohna jol ngomong we si jajaka teh.

“Mang, pesen nasi gorrreng pake telllorrr,” pokna teh.

Si mojang teu sirikna surak ngadenge kabogohna geus teu cadel teh. Wah sampurna ayeuna mah si Aa teh, pikirna. Sakumaha biasa mun tas jalan2 teh sok tuluy ka tukang sangu goreng langganan, bubuhan duanana raresepeun pisan sangu goreng.

“Neng, Aa mau pesen nih,” ceuk si jajaka rada nyombong.

“Pesen apa, Mas,” ceuk tukang nasi goreng nga-mas-keun. Biasa da najan di Bandung oge ari nyalukan lalaki nu teu nyaho ngaranna teh sok nyebut “mas”, embung eleh ku urang Tegal.

“Pesen nasi gorrrengg pake telllorrr,” tempas si jajaka kalayan tegep. Ret ka kabogohna katingali meni suka bungaheun pisan bari ngagantel kana leungeun beulah kenca.

Si tukang sangu goreng ge rada heraneun. Geus sawatara waktu teu panggih ari amprok deui geus teu cadel deui ieu jajaka. Tapi teu wani ribut da eta mah lain urusan manehna. Terus nanya deui.

“Dua ya?”
“Iya, dua,” tembal si jajaka bari ngoloyong neangan tempat diuk.
“Minumnya pesen apa, Mas?”

Kulantaran geus rada jauh jeung tukang sangu goreng tea, si jajaka ngajawab bari rada ngagorowok,” Es jeyyuk dua geyyaass!”

Iklan

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

%d blogger menyukai ini: