TANDANG………. !!! NYANDANG KAHAYANG

Dongeng Si Kabayan……( IRFAN BACHDIM Vs LSI ).

Sateuacana Akang muka ieu carita…..Akang bade nyuhunkeun di hapunten ka nu ngagaduhan ieu carita.

Teu aya maksad Akang hoyong Populer tapi….namung niatan hoyong ngamumule basa urang….basa SUNDA. Da upami sanes ku urang sabage urang SUNDA…..nya kusaha deui atuhhhh…………????

Sugan….ku seringna urang ngaos seratan tina basa sunda mah……hiji-hijieun aya nu nerap dina manah…tur aya kereteg kangge ngangge basa sunda di lingkungan urang.

Kangge anu ngaos ieu saduran….mugia ngajantenkeun kereteg niat ngamumule basa urang…nyeta basa sunda.

Yuu….aahhh…urang prung di ngawitan ku carita munggaran :
“Karunya nya eta Jang Irfan Bachdim. Karek oge dipuja-puja na Piala AFF, ayeuna geus di-out PSSI. Kumeh cenah miluan Liga Primer Indonesia.” ceuk si Kabayan basa ngopi di warung Bi Ijum.

“Lah, cenah mah eleh saing jeung Nurdin Halid!” jawab si Lamsijan bari pesen udud sabatang ka Bi Ijum.

“Yeh, naha? Parebut awewe kitu jeung Nurdin Halid?” si Kabayan ngan kerung.

“Meureun, kumeh eleh ganteng jeung loba fans-na si Irfan mah! Beda jeung Nurdin, di hareupeun Presiden ge disurakan sina turun jabatan wae!” jawab si Lamsijan bari ngahuapkeun cuhcur.

“Ah, sok kamana mendi ilaing mah. Cenah mah salah klubna tuda, da eta klub mengbal Jang Irfan bet miluan LPI!”

“Baruk? Jang Irfan asup FPI?” si Lamsijan ngarenjag.

“LPI siah! Boga ceuli teh saliwang nya. Pananan LPI alias Liga Primer Indonesia mah teu diaku ku PSSI. Nu original jeung aya holograman mah apanan LSI ceuk PSSI mah… alias Liga Super Indonesia. Ceuk PSSI, saha wae klub di handap naungan PSSI nu miluan LPI baris di-black list ti kaanggotaan,” ceuk si Kabayan bari nyuruput cikopi.

“Lieur uing mah aya LPI, PSSI, LSI… meni I kabeh, Kang!”

“Heueuh, mun A mah atuh jadi Liga Primer Amerika!”

“Naon atuh mani rieut kieu nalingakeun mengbal di urang mah. Acan asup prestasi internasional ge geus ribut! Nu ieu hayang kieu, nu itu hayang kitu. Acan sagalana di urang mah dikait-kaitkeun jeung pulitik! Jiga kamari basa Timnas dinengna-nengna kumeh asup Pinal AFF.”

“Teuing atuh. Meureun loba kapentingan. Aya bahan uing mah engke nyieun LKI… Liga Kolobot Indonesia. Sponsorna mah perusahaan roko pahpir ti Tanjungsari we!”

“Bener Kang. Komo leuwih rame lamun salian Liga Primer Indonesia, aya oge Liga Sekunder Indonesia, jeung Liga Tersier Indonesia!”

“Beu! Da pelajaran Ekonomi nya mengbal teh! Tapi nu penting mah eta cicisna ageung atuh cenah tina perputaran pertandingan teh. Cenah ceuk berita mah, kamari pertandingan AFF ge PSSI ngantongan nepi 31 milyar. 11 milyar dipake waragad nyelenggarakeun pertandingan. Ari sesana nu 20 milyarna mah dipake meuli kurupuk meureun!”

“Na ari si Akang. Keun bae atuh kali-kali mah PSSI untung.”

“Untung sih untung! Tapi eta tiket nepi ka ngahontal jutaan kitu! Jiga neangan kasempetan momen pisan.”

“Is, tong waka su’udzon… biheung teuing eta duit nu milyaran teh rek dipake naturalisasi deui pamaen! Sugan we PSSI nganaturalisasi deui pamaen anyar… saperti Ronaldinho!”

“Ronaldinho memang aya turunan Indonesia kitu?”

“Panan aya, eta adina urang Banjaran, nu sok aya na TV geuning…!”

“Eta mah Ronaldikin atuh!”

“Nya, tukeur tambah ge bisa meureun. Si Ronaldinho dibawa jadi pamaen Timnas PSSI, si Ronaldikin direkrut jadi pamaen Timnas Brazil!”

“Nya, engkena si Ronaldinho geus di Timnas Garuda… tuluy nasibna jiga Jang Irfan Bachdim deui. Teu diaku!”

“Jadi saha atuh nu lieur?” tanya si Lamsijan.

“Nu salah mah, kunaon PSSI sorangan teu nganaturalisasi wae atuh pengurus ti Uganda?
Cape deeeeh!” ujug-ujug Bi Ijum milu mairan bari maledog entog nu rek asup ka warungna “.

“sumber:banyolansunda.blogspot.com”

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

%d blogger menyukai ini: